قاللي الوداع .......قلتله اوكي دونت كرى

ولا دمعة نزلت...
ولا قلب انجرح
ولا وسادة خالية زي بتاعة عبد الحليم تمزقت من كتر التفكير في الحبيب الضائع...
أصبحنا في عالم جاف خالي من المشاعر الحقيقية..
عالم اختفت منه الرومانسية والصدق والوفاء..
ناقش نفسك كم مرة وقعت في قصة حب؟؟
وماذا تركت في نفسك من اثر؟؟
هل علمت معك؟؟
هل تركتك مهموم ومحطم؟؟؟
الإجابة في الأغلبية لأ...مش كدة؟
الولد متفرقش معاه فلانة او علانة..
والبنت أهو أي شاب لطيف وخلاص..( بنسلي الوقت اللي مليان فراغ..)
هل نحن في عصر الجفاف في كل شيء حتي المشاعر؟؟
يحب الولد الفتاة..
ويمنيها سنين بالعش الجميل وعند ما يكون قادر علي الزواج...
يذهب لوالدته تخطب له مجهولة لا يعلمها ..
مع أن المجهولة دي بيفتكرها معرفتش غيره كانت بتحب واحد بردو وسابها لنفس السبب!!!!!!
طيب مانت كان معاك اللي ملكك واللي ماكانتش بتحب غيرك!!!!!
بس تعمل ايه في عصر اختفي منه المشاعر الصادقة!!!!
لنلقي نظرة على حب دام أكتر من سنة...

أحمد:دودو سوري أنا مش هاقدر أكمل معاكي..
أنا مضطر أسافر...
دودو:: طيب أستناك..
أحمد : لا يا بيبي ممكن مش أرجع..
دودو :طيب وحبنا؟؟!!
أحمد : حب ايه بس يا بنتي هو أنا لاقي أكل علشان أحب واتجوز!!!!
دودو:يعني كنت بتهزر وماكانش حب؟؟!!!
احمد:لا طبعا كنت معجب ومازلت بس هاعمل ايه...!!
دودو:اوك ربنا يوفقك..
<<<<<<<وكل واحد مشي في طريق>>>>>>>
لا قلب اتحطم ...ولا عيون دمعت..
أحمد هيحب تاني وتالت...
ودودو هتحب او تستني العريس...
ونموذج تاني..
تامر:نانسي أنا مضطر اسيبك..
نانسي :ليه يا تيتو؟؟!!
تامر:ماما جابتلي عروسة ولازم اتجوزها..
نانسي:طب وانا..؟؟
تامر:معلش يا نانو احنا بردو هنفضل صحاب..
نانسي:انت شايف كدة..
تامر:سوري يا بيبي..
نانسي:عادي ولا يهمك آي دونت كير..

هههههههههههههههههههههههههههههههههههههههه
ولا عين بكت ولا قلب انجرح...
ونماذج كتير ....
وأنا متاكد انكم تعرفوا كتير عنها...
وممكن تكونوا أبطالها..

يللا الله يرحم زمن عبد الحليم..
وروميو وجوليت..
وكل قصص الحب الرائعة..
وأهلا بزمن الجفاف
والفتور
والعلاقات الباردة الزائفة
وقصص حب التيك اواي
وحب اليوم الواحد
وحب الشواطيء
وغيره

طيب ايه الي خلاه الحب بقي بالطريقه دي ؟
العيب فينا ولا في الزمن ؟
نعمل ايه علشان الحب يرجع زي زمان ؟

ياريت اسمع ارائكم في الموضوع دة

» الوداع لحظـــــــــــه