دستور المرور فى مصر‏

دستور المرور فى مصر‏

لو عربيتك كبيرة استخدم قانون الى خايف على عربيته يوسع
ملحوظة:ابعد عن سكة العربيات المخرشمة اصحابها بيسوقوابنظرية ضربوا الاعور على عينه!!!!!
1 : البوز بيز: الى يدخل ببوز عربيته الاول للتقاطع له اولوية المرور احرص على ان تكون صاحب اول بوز

ملحوظة: لا تطبق البوز بيز مع اى لورى او اوتوبيس حرصا على بوزك, الاشارات تكشف نواياك
للاعداء لا تستخدمها.
لا تترك مسافة امان بينك وبين الى قدامك فهذا له عدة مخاطر
1: عربية تانية ممكن تملا الفراغ فى ثوانى وبرضه مبقاش فيه مسافة بس اتأخرت شوية لورا
2: هتدى فرصة للعيال يعملو غرز
3: كل المشاة هيغمضو عنيهم ويعدوا منها
4: الى وراك حيقعد يزمر ده لو مؤدب
او تسمع اسامى حبة حيوانات لو مش مؤدب
او هيخبطك ده لو سواق ميكروباص
الاشارات مش معمولة علشان تنظم المرور معمولةعلشان شكل القاهرة يبقى متحضر.
اذا كنت مش واقف فى الصف الاول فى الاشارة اعمل حسابك لما الاشارة
تفتح تزمر بشكل مستمر وهيستيرى علشان الناس الى فى الاول بيبقوا واقفين بقالهم كتير
وممكن يكونو ناموا

معظم الحوادث بتحصل فى التقاطعات اول ما الاشارة تحمر كل ما عديت الاشارة بسرعة
كل ما قلت فرصتك فى انك تتخبط

الشارع مكان مقرف سوق باسرع ما يمكنك الناس الى ماشيين بالراحة فى الشارع مرضى نفسيين
يستاهلو الى يجرالهم
من حقوقك الدستورية انك تركن امام المحل الذى ترغب فى الشراء منه ولو جه واحد ابن
60*70 وركن مكانك اقفل عليه واركن صف ثانى او ثالث ومش مشكلة ان الشارع يقف
مقابل استمتاعك بحقوقك الدستورية. هى يعنى الدنيا طارت ولا كان وراهم الديوان.

أحترس من 3 انواع من السواقين

1:العيال الروشين الى بيلعبوcomputer games و فاكرين ان ممكن يكسبواlife لو ساقوا بسرعة

2:موتسيكلات توصيل الطلبات home delivery

3: سواقيييييييييين الميكروباص

ملحوظة: اوعى تحاول تثبت لحد منهم ان فكرته غلط فاهم طبعااااااا ليه.
لما تشوف حادثة لازم تهدى وتتفرج مش مهم تساعد الحاجات دى دمها اخف من الاخبار المملة بتاعة التلفزيون
وبعدين لما الطريق يقف تحمى المجتمع من حادثة تانية
الكنسين لازم يحللو اللقمة الى بياكلوها حاول تنفعهم وترمى اى حاجة من الشباك
لما تخلص السيجارة متحطهاش فى الطفاية ارميها من الشباك اول ماتشوف واحد معدى بموتوسيكل جنبك علاشان
يبطل يعمل غرز

واتمنى لكم سواقة سعيدة

» دستور ياسيادنا