حكايه قلب... مافقدش الامل خالص!!

هاى عليكم يا احلى ناس فى الدنيا
كل سنه وانتم بالف خير وصحه وسعاده يارب
مش هطول عليكم النهارده جايبه ليكم قصه هتعلمنا ان الامل فى ربنا لاينقطع مهما كانت همومك وظروفك
وآدى الحكايه اهى

النهارده انا جاى اقول واحكى الحكايه
اسمعونى وصدقوا دى مش روايه
دى حكايه قلب عاش
دايما فى جرح
الهموم ليها اتولد
ولا عمره حس فى يوم بفرح
الكل كان دايما عليه
حتى الزمن
ضيع حبايبه من ايديه
وزاد المحن
وجرالو ياما وياما شاف
بس كان عنده امل
بالدموع يدعى لربه
وف دعاه ناسى الملل
كان كل امله يجى يوم
ويحس مره بضحكته
يضحك بصوت يسمع صداه
ولا حد ييجى يسكته
قال يارب نفسى فى قلب
يخاف عليا يحسنى
انا شوفت ياما كتير جروح
ولا حد عمره حبنى
كان فى صوت بيقوله دايما
الفرج جاى من بعيد
بعد جرحك ده وعذابك
هتصحى تانى من جديد
وقى يوم وليله زى دى
شاء القدر
شاف ملاك جاى من السما
لا ده قمر
راح الملاك جارى عليه
وفى حضنه نام
قال فى نفسه اكيد ده حلم
قالو انا احلى غرام
قال للملاك عندكم باردو فراق؟؟
قالو فراق عندنا يبقى حرام
ومن يومها القلب ده ناسى المرض
حاسس بنعمه ربنا وشاف العوض
نسى العذاب حتى الجراح بيقولنا
مهما الدنيا جت عليكم
اوعو تنسوا ربنا

كده كفايه
ويارب تكون رسالتى وصلت على اد ما اقدر يعنى

» خــــــــــيوط الامل