مش دة عيب برضة ولاانا بيتهيألى؟؟

مش دة عيب؟؟؟؟

انك تشوف انسان بسيط
لابس لبس بسيط
وتتريق وتضحك علية
وكانة فية حاجة غلط
وتعايرة بالفقر وكأن الفقر دة عيب
مش دة عيب؟؟؟

انك تشوف انسان معاق
او عندة عيب خلقى
وتستهزء بية
وتنادي علية
وتجرحة بالمرض اللى فية
وكأنة هو اللى اختار يكون كدا
مش زينا انسان خلقة ربنا
لية تجرحة وتيجى علية بالشكل دا
مش دة عيب؟؟؟

انك تشوف انسان ضعيف
بيناديك طالب مساعدة
وبدل ماتمدلة ايد
بتيجى علية وتسيبة وتمشى
حط نفسك كدا مكانة
شوف هيبقا شعورك ايه؟
مش دة عيب؟؟؟
انك تقف كل يوم ع النواصى
تتريق على دى وتعاكس ف دى
وكأن دة شىء عادى
طب جرب كدا وقول لو اختى
هى اللى بتتعاكس
ساعتها انت هتعمل ايه؟

يبقا مش دة عيب؟؟؟ انك تكدب وكمان تنصب
وتزور وتقول مظلوم
ومافيش مرة قولت شهادة حق
ولا حتى جبت على نفسك لوم
للدرجة دى مات ضميرك
طب اسال نفسك كام سؤال
لو الناس مصدقاك
ياترا ربك مصدقك؟
ماتعملش زى غيرك
وترود بأى كلام
فكر وجاوب وراجع ضميرك يبقا برضة مش دة عيب؟؟؟
لو دة كلة مش م العيب
يبقا الرد ف علم الغيب
امتى هيصحى فينا ضميرنا
كتر خيرنا
شايفين ولاكأننا شايفين
لية ساكتين؟
ايه وصلنا للحال دة؟؟؟؟
فين اخلاقنا وسلوكيتنا
وكمان دينا؟
بننسى روحنا ونفسنا
وقبل دة كلة ربنا ورسولنا
يبقا كل دة ومش عيــــــــــــــــــب؟؟؟؟؟
ولايمكن انا بيتهيألى ان دة عيب