نظرتك ايه للبنت اللى بتشرب شيشه

موضوع البنات اللى بتشرب شيشة دى موجود من زمان بس الايام دى زااااااااااايد اوى بجد والله من غير مبالغة

يعنى من كام يوم كده كنت فى كافيه مع بابا واختى المهم اول ما قعدت لقيت نفسى بكح جامد جدا ببص حواليا لقيت احنا تقريبا

الطرابيزة الوحيدة اللى ماعليهاش شيشة كل اللى حوالينا واحدة وجوزها مثلا واحدة وصاحبتها وواحدة اد تيته كلهم ماسكين
الشيشة ومقضيينها بصرلحة انا حسيت ان انا اللى فيا حاجة غلط مش هما اللى غلط

بعدين سألت بابا قولتلهايه رأيك فى البنت اللى بتشرب شيشة

قاللى واحدة مش كويسة طبعا

قولتله ليه يعنى ده مشروب زى اى مشروب

قاللى لا طبعا بعدين بيفكرونى بالمعلمات بتوع الافلام الراقصات كده يعنى

تانى يوم روحنا كافيه تانى بس كان معانا ماما كمان والوضع فى الكافيه ده مكنش يفرق كتير عن اللى قبليه

بعدين سألت ماما نفس السؤال

قالتلى طبعا بنت مش محترمة ومش متربية ومش مؤدبة ............الخ الخ

نظرتك ايه للبنت اللى بتشرب شيشه 451581143

قولتلها خلاص يا حاجة انتى ما صدقتى

اما رأيى انا بقه ان البنت اللى بتشرب شيشة دى متستحقش ان يتقال عليها بنت اصلا لان كلمة بنت ليها مرادفات كتيرة اوى

ومن اهمها الرقة وبصراحة انا لما بشوف واحدة بتشرب شيشة والدخان طالع من بؤها كده بتقرف منها وبحس انها ملهاش

اى علاقة اصلا بكلمة رقة

غير كده الاضرار الصحية للشيشة دى

لكن البنات اللى بيشربوا شيشة دول شايفين ان هى دى الروشنة والاستايل وبكده تكون بنت مودرن

يلا بقى عايزة اعرف ايه هى نظرتكم للبنت اللى بتشرب شيشة

» لما بتبقى مخنوق ...بتشرب بمناخيرك ؟؟؟
» بعد اللى ما بينا
» ده اللى عندى
» مين اللى يستحق الألقاب دى و بأمانة
» كيف نداوى قلوبنا و احنا اللى جرحناها