نصائح طفل عمره 4 سنوات

تبون تعرفون ايش السالفه
نزلوا تحت بس بشويش لاتطحون وتتكرفسون
هاكم المقدمة قبل لاتستعجلون

راح تقرؤن معي سالفه ولد صغير 4 سنوات اخوه كاتبه عنه هالسالفه

هذي نصايح أخوي اللي عمره أربع سنين لكم
والظاهر تجربته في الحياة أحسن مني .....

* لا يمكنك أن تتخذ القط صديقاً مهما طالت عشرتكما معاً ففي النهاية لا يتحرج في القيام بجرح يديك .
مسكين أخوي ذاك اليوم كان عنده قطو صغير ، وأمي سوت لأخوي حليب مع بسكوت شاي ، وتوه بياكل جا القط بياكل معاه ، قام أخوي رفع الطبق عن القطو ، واشوي الا اخوي صاح أثاري القطو اشمخه -- وطلّع الحكمة اللي فوق --

* عندما يتشاجر والداك تجنب أن تقوم أمك بتسريح شعرك .
لأنها أكيد راح تنتف شعرك

* إذا ضربتك أختك الصغرى لا ترد لها الضربة، ففي العادة الآباء يكتشفون الشخص الثاني .
وهذي حالة أخوي مع هدى أختي الصغيرة ، دوم تطقه ويقوم يطقها وتشوفه أمي وهاته طق في ظهره -- واستخرج الحكمة السابقة --

* حاول ألا تعطس عندما تكون بين يدي الحلاق .
عاااد هذي السالفة تضحك ، ذاك اليوم أمي تحلق له ..
والمسكين عطس -- وطارت قذلته --
* لا تصارح والدتك بأن نظام حميتها لا يؤتي ثماره .
على نياته اخوي الصغير ، قال لأمي قومي أكلي انت متينة متينة مالك حل -- واشوي الا النعلة في وجهه --

* عندما تريد أن يشتري لك والدك قطة ابدأ بطلب حصان .
كل يوم يقص>>يكذب على أبوي ، يطلب شي كبير ،ويطلع اقرون أبوي ، وبعدين يقول أجل خلااااااص اشتر لي هذا -- وهذا هو اللي يبي--

* أقلام التلون لا يمكن أن تستخدم كأحمر شفاه .
الله لو شفتوا أختي هدى يوم لونها بالألوان المائية

* عندما تتسلم تقريراً سيئاً عن درجاتك بالمدرسة أعرضه على أمك أثناء قيامها بإجراء مكالمة هاتفية .

هذا أخوي محمد جاب نتيجة تفشل ، وراح لحكيم العايلة أخوي الصغير ، وقاله استنى أمي تكلم جارتنا ورح عطها النتيجة ،
واتصلت جارتنا وبدت أمي ترغي معها ، وراح أخوي وراها النتيجة ، قالت شاطر حبيبي رح خذ السن توب من الثلاجة .

ابغى وش رأيكم فهالحكيم ماشاء الله عليه عيني باردة عليه