الشات .. والبنات

عشرات البنات ممن أصبحوا يطرحوا مشاكل عاطفية وأخلاقيه أحيانا .. والسبب .. الزائر الجديد الذي دخل حياتنا عنوة بلا مقدمات ولا استئذان ألا وهو الشات
وبواسطة برنامج الماسنجر الشهير يمكن ان تتحدث مع أي بنت يعجبك اسمها –وهو المتاح – إن لم يكن لديها مانع ..

ولتبدأ الأسطوانه الأولى
- اسمك ايه
- نرمين وانت ؟
- محمدين عندك كام سنة يا نرمين ؟
- عندي تمنتاشر .. وانت؟
- واحد وعشرون (وقد يكون في الاربعينات )
(حوارات حورات حتى ياخدوا على بعض .. وبعدين )
- نمرة تليفونك كان يا نرمين ؟
- لا طبعا مش ممكن اقولك .. اديني انت نمرة تليفونك وانا اكلمك ..
- خدي يا ستي ( زيرو زيرو زيرو3اصفار زيرو )
- يا ترى عندك (id) (خاصية إظهار الرقم )
- لا معنديش
- يا سلام
- صدقيني يا نرمين ولو مش واثقة فيه متكلمنيش
- لا طبعا واثقة فيك وحكلمك (آل يعني عشرة عمر)
بس يا ريت بعد واحدة بليل
- حاضر

الاسطوانه الثانية ..
(في التليفون .. الثانية صباحا )
- الو .. محمدين ؟
ايوة مين ؟ (طبعا هو عارف ومستنيها على نار )
- انا نرمين ..
- وحشتيني ..
(صمت في المرة الأوى غالبا)
- بقولك وحشتيني يا نرمين أنا ما وحشتكيش ؟
- وحشتني اكيد
- تعرفي اني منمتش بقالي يومين ؟
- ليه ؟ عندكم أكلان ؟
- لأ .. عشان بفكر فيكي .. مش عارفة أنتي عملتي ايه في ؟
- يا سلام (تريد ان تسمع منه اكثر)
- بجد يا نرمين .. أنا حاسس اننا نعرف بعض من زمان
- وأنا كمان
- طب ليا طلي ويا ريت متكسفنيش
- لو أقدر !!
- عاوز أشوفك يا نرمين ..
- ما ردتيش عليه
- لأ طبعا يا محمدين صعب جدا
(إلحاح إلحاح .. مع توالي المكالمات)

الأسطوانه الثالثة
(في ماكدونالد غالبا)
- كنت خايف تديني بمبة ..
- لا طبعا .. ما دام قلت حاجي يعني حاجي
- زي ما تخيلتك بالظبط (بالطبع هي عكس ما تخيلها تماما )
- صحيح .. (تريد أن تسمع منه اكتر فهي لا تصدقه )
- صحيح يا نرمين .. وبصراحة أنتي هديتي كل البرامج بتاعتي ..
- يعني ايه؟
- دلوقتي حالا اتغيرت فتاة احلامي .. بقت نرمين !

- صحيح يا محمدين ..؟
(ندخل منعطفا خطيرا فقد أمسك يديها)
- صحيح يا نرمين وأنا دلوقتي متأكد أني بحبك ..
(تصمت وقلبها يرقص طربا)

الأسطوانه الرابعة
(تتعدد المقابلات)
صارت نرمين تعشق محمدين بالفعل وهي لا تستيع ان تستغنى عنه او تتخيل خياتها بدونه ..
اما هو – الله يسامحه –ممثل بارع ! يريد منها قبلة !
- حتعمل ايه يا محمدين .. أنا ما بحبش كده ..
(يبدو عليه ان كرامته انجرحت)
- إنتي ما بتحبنيش يا نرمين بستخسري في بوسة ؟
- مش وقتها يا محمدين .. لما .. لما ..
- تقصدي لما نتجوز ..
- آه ..
(لا ييئس الحاح الحاح حتى يقبلها ويفقل أكثر من ذلك .. والمسكينة متأدكده انه زوج المستقبل ... ثم تبدأ الصورة تتضح )
- محمدين مالك متغير معايا من فترة ؟
- أبدا يا حبيبتي في شوية مشاك
- مشاكل ايه ؟
- مشاكل مادية ..
(تفتح حقيبتها إن كانت غنية )
- عاوز فلوس يا حبيبي؟
(في هذه الحالة سيقبل بعد أن يتمنع كثيرا وتلح عليه بحجة "اننا واحد" )
( في حالة أن تكون فقيرة فلن تفتح حقيبتها من أصله وإن كانت استماره 6 عالابواب) و..
وتنتهي القصة بعد أن تترك جراحا عميقة بداخل نرمين تحولها الي انسانة اخرى تختلف عن تلك التي كانت تدخل عالنت و "تعمل شات"
قد تتقوقع على نفسها و (تتعقد ) .. وقد تجرب حظها مع شاب جديد واسطوانه جديدة !

أما محمدين فهو لا يضيع وقته .. فكل شهر تقريبا .. يقوم ببطوله مغامرة مع إحدى محترفات الشات !
ولا يمكن أن يكون ما حدث سببا في رفضنا لظاهرة الشات رفضا باتا .. ولكن ..
هناك أنواع من البنات اللاتي يعملن الشات :
النوع الأول : بنات محترفات شات .. تعرضن للموقف السابق مرات ومرات حتى صران صاحبات خبرة (أيا كان ثمن تلك الخبرة )وهذا النوع لا يعنينا ولا نوجه إيله هذه السطور
أما النوع الثاني : فهو المعني بسطورنا هذه ..
الفتيات البريئات الساذجات - عذرا-واللاتي يصدقن الكلمات المعسولات ويثقن بقراصنة الشات ثم يندمن – بعد ذلك – على ما قات حيث لا ينفع الندم ولا لطم الخدودات
وإليهن أقول وأنصح : لا يمكن أن تنشأ علاقة حب سوية سليمة عن طريق الشات ونسبة الكذب والخداع فيما يقال تتعدى ال 95%
ونسبة الذئاب المتربصين بالضحايا الجميلات 96% والأفضل لهن اعتزال ذلك الشات وهن في القمة ...
نصيحة مني لكل البنات بلاش إحذروا من الذئاب دي وبلاش دخول الشات إلا لو عاوزين تكلموا واحدة صاحبتكم قريب مسافر كده لكن عشان تعملوا علاقة حب ده صعب ..
صعب أوي ..
ومن لا تصدقني .. هي حرة !

وأرجوا كل واحد يقول رأيه في الموضوع ده

» سؤال للشباب والبنات علشان مش يزعلوا
» معاكسات الشباب والبنات ودراستها ...... الجزء الثاني
» كلمات تستخدم فى الشات والمحادثات ليها معانى تعالوا نشوف